ມະເຮັງໃນສະໝອງເປັນເນື້ອງອກອັນຕະລາຍທີ່ມີການເຕີບໂຕຂອງເຊວຜິດປົກກະຕິ. ເອີ້ນອີກຢ່າງໜຶ່ງວ່າ ເຊລມະເຮັງ, ອາໄສເລືອດ ແລະ ສານອາຫານຈາກຮ່າງກາຍເພື່ອລໍ່ລ້ຽງ. ອາດຈະເກີດຂື້ນເອງໃນເຊລສະໝອງ ຫຼື ເກີດມາຈາກມະເຮັງທີ່ໄດ້ແຜ່ລາມຈາກອະໄວຍະວະອື່ນເຊັ່ນ: ປອດ, ເຕົ້ານົມ, ໝາກໄຂ່ຫຼັງ, ລຳໃສ້ໃຫຍ່, ຜິວໜັງ ແລະ ອື່ນໆ. ມັນສາມາດແຜ່ລາມ ແລະ ທໍາລາຍເນື້ອເຍື່ອທີ່ມີສຸຂະພາບດີຢູ່ໃນບໍລິເວນອ້ອມຂ້າງ ມີໂອກາດທີ່ຈະກັບຄືນມາໃໝ່ເຖິງແມ່ນວ່າຫຼັງຈາກໄດ້ຜ່ານການປິ່ນປົວແລ້ວ ແລະ ສາມາດເປັນໄພຂົ່ມຂູ່ຕໍ່ຊີວິດ.

ປັດຈຸບັນ, ຍັງບໍ່ທັນສາມາດເວົ້າໄດ້ຢ່າງແນ່ນອນວ່າ ສາຍເຫດຂອງການເກີດມະເຮັງໃນສະໝອງມີຄືແນວໃດ ແຕ່ມີພຽງແຕ່ປັດໃຈທີ່ແຕກຕ່າງກັນສອງສາມຢ່າງທີ່ສາມາດເພີ່ມຄວາມສ່ຽງຕໍ່ການເປັນພະຍາດມະເຮັງໃນສະໝອງເຊັ່ນ:

– ອາຍຸເພີ່ມຂຶ້ນ

– ພຶດຕິກໍາໃນການສູບຢາທີ່ມີມາແຕ່ດົນນານ

– ມີປະຫວັດຂອງສະມາຊິກໃນຄອບຄົວ ເປັນມະເຮັງສະໝອງ

– ມະເຮັງຢູ່ໃນພາກສ່ວນອື່ນຂອງຮ່າງກາຍທີ່ສາມາດແຜ່ລາມໄປສູ່ສະໝອງໄດ້ເຊັ່ນ: ມະເຮັງປອດ, ມະເຮັງເຕົ້ານົມ, ມະເຮັງໝາກໄຂ່ຫຼັງ, ມະເຮັງພົກຍ່ຽວ ລວມທັງມະເຮັງຜິວໜັງ

– ການຕິດເຊື້ອໄວຣັສບາງຊະນິດເຊັ່ນ: ໄວຣັສ HIV

– ການສຳຜັດກັບສານລັງສີ, ສານເຄມີ, ແລະ ຢາປາບສັດຕູພືດທີ່ສາມາດກໍ່ໃຫ້ເກີດມະເຮັງ.

– ເຮັດວຽກກ່ຽວກັບສິ່ງທີ່ສາມາດເຮັດໃຫ້ເກີດມະເຮັງໄດ້ເຊັ່ນ: ພລາສຕິກ, ກົ່ວ, ຢາງ, ນໍ້າມັນ ລວມເຖິງແຜ່ນແພບາງຊະນິດ.