ມະເຮັງແມ່ນຫຍັງ?
ມະເຮັງ ຖ້າລະບຸຢ່າງຈະແຈ້ງແມ່ນເອີ້ນວ່າ “ ເຊລມະເຮັງ ” ເພາະມັນເກີດຈາກການສ້າງເຊລມະເຮັງໃນຮ່າງກາຍ. ເຊລມະເຮັງ ແມ່ນເຊລທີ່ເຮັດວຽກຜິດປົກກະຕິທີ່ເຮັດໃຫ້ເກີດຄວາມເຈັບປວດ ເຊິ່ງມັນຈະດູດຊຶມເອົາສານອາຫານທີ່ມີປະໂຫຍດ ແລະ ທຳລາຍຈຸລັງທີ່ຢູ່ບໍລິເວນທີ່ມັນຜິດປົກະຕິ ເຊິ່ງມັນສາມາດເກີດຂຶ້ນໄດ້ໃນທຸກພາກສ່ວນຂອງຮ່າງກາຍ. ເມື່ອເກີດຢູ່ໃນຈຸດໃດໜຶ່ງແລ້ວຈະເຮັດໃຫ້ອະໄວຍະວະຢູ່ໃນຈຸດນັ້ນຖືກທຳລາຍໄປເລື້ອຍໆ ແລະ ເມື່ອມັນແຜ່ລາມໄປຫາອະໄວຍະວະທີ່ສຳຄັນ ມັນຈະເຮັດໃຫ້ຄົນເຈັບນັ້ນເສຍຊີວິດ.
