ເນື່ອງຈາກເຊລເມັດເລືອດທີ່ຜິດປົກກະຕິ ໄປລົບກວນການສ້າງເມັດເລືອດຊະນິດຕ່າງໆ ເຮັດໃຫ້ເກີດອາການດັ່ງຕໍ່ໄປນີ້:
– ເມັດເລືອດແດງຫຼຸດລົງ ຄົນເຈັບອາດຈະມີອາການຂອງພະຍາດເລືອດຈາງເຊັ່ນ: ເມື່ອຍງ່າຍ, ໃຈສັ່ນ, ວິນຫົວ.
– ເມັດເລືອດຂາວຫຼຸດລົງ ເຮັດໃຫ້ຕິດເຊື້ອໄດ້ງ່າຍຂຶ້ນ.
– ເມັດເລືອດນ້ອຍຫຼຸດລົງ ເຮັດໃຫ້ມີເລືອດອອກງ່າຍກວ່າປົກກະຕິ ອາດພົບຈຸດເລືອດທົ່ວຮ່າງກາຍ ລວມທັງມີພາວະເລືອດໄຫຼບໍ່ຢຸດ.
– ນອກຈາກນັ້ນ, ຄົນເຈັບອາດຈະມີອາການເບື່ອອາຫານ, ນໍ້າໜັກຫຼຸດລົງ, ຮູ້ສຶກປວດຕົນໂຕ, ມີກ້ອນຢູ່ຕາມຮ່າງກາຍ ຫຼື ເຈັບກະດູກ.